Revelation of John 7
Digau Israel e lau madahaa maa haa mana(144,000)
1Nomuli, gei au ga mmada gi digau di langi dogohaa, e tuu i nia madaaduge e haa o henuailala, e daahi nia madangi e haa gi dee gono mai gi henuailala be di moana, be nia laagau huogodoo. a 2Au ga mmada gi tangada di langi labelaa e gila aga mai bahi i-dua e gaamai di maaga o di God Mouli. Mee ga wolo gi nua gi digau di langi dogohaa ala ne haga mogobuna go God belee oho henuailala mo di moana, 3ga helekai, “Hudee ohaa ina henuailala, di moana, be go nia laagau, ga dae loo gi di madau maaga nia lae o nia daangada hai hegau a God.” b 4Au gu haga iloo ginai bolo di hulu dangada ala ne maaga gi di hagailongo o God i hongo nadau lae, le e lau madahaa maa haa mana(144,000) mai nia madawaawa e madangaholu maa lua o Israel, 5nia daangada e madangaholu maa lua mana(12,000) mai nia madawaawa dagidahi aanei: Judah, Reuben, Gad, Asher, Naphtali, Manasseh, Simeon, Levi, Issachar, Zebulun, Joseph mo Benjamin.Nia daangada dogologowaahee
9Nomuli, gei au ga mmada, ga gidee nia daangada dogologowaahee e deemee di dau! Digaula nia hagadilinga daangada henua, nia madawaawa, nnenua llauehe, mo nia helekai huogodoo, e tuu i mua di lohongo king mo Ta maa siibi, e ulu nia gahu lloo kene, e daahi nadau louniu. 10Digaula ga wwolo gi nua, ga helekai, “Di haga mouli e hanimoi i baahi tadau God dela e noho i hongo di lohongo king, mo mai Ta maa siibi.” 11Digau di langi huogodoo e tuu, e haganiga di lohongo king, digau mmaadua aamua, mo nia manu mouli e haa. Digaula ga pala gi lala i mua di lohongo king, ga daumaha ang gi God, 12ga helekai, “Amen! Di hagaamu, madamada, iloo mee, danggee, hagalaamua, mogobuna mo di maaloo, la gi wanga ina gi God ga hana hua dono hagaodi ai! Amen!”13Tangada e dahi i digau mmaadua aamua ga heeu mai, “Digau aanei la koai ala e ulu nia gahu lloo kene? Digaula ne loomoi i hee?” 14Au ga helekai, “Meenei, au e de iloo. Ma kooe dela e iloo.”
Mee ga helekai mai, “Aanei la go nia daangada ne loomoi laa lodo nia hagaduadua llauehaa, gu gaugau nadau gahu gi kene gi nia dodo o Ta maa siibi. c 15Deelaa laa ga tuu iei digaula i mua di lohongo king o God mo di hai hegau gi mee i di aa mo di boo i lodo dono Hale Daumaha. Tangada dela e noho i hongo di lohongo king dela e madamada humalia i digaula i dono noho i nadau baahi. 16Digaula e deemee di hiigai be e hiieinu. Di laa be di welengina e deemee di dudu digaula, d 17idimaa, Ta maa siibi dela i tungaalodo di lohongo king la ga hai di nadau dangada hagaloohi siibi, gei mee ga lahi digaula gi di monowai haga mouli. Gei God ga omo nia dangi huogodoo gi daha mo nadau golomada.” e
Copyright information for
KPG